Klisja bullari

Ég var með tabata í kortunum og það mættu 7 til að vera með, bara gaman. Nú er ég ægilega spennt fyrir næsta mánudegi.

Fyrst blandaði ég saman yoga chair pose (stoppa niðri í pásu og anda inn í teygjuna) og hnébeygju (skiptast á). Mjóbakið er oft ægilega stirt og hjálpar stóla stellingin til við að liðka bakið fyrir hnébeygju.

Næsta æfing var planki. Fyrstu tvær lotur fóru í hliðar saman hliðar með fætur, síðan hægri fót upp og niður og síðan vinstri fót, og endurtekið svo.

Þriðja æfingin var tíhöfða hamar og þríhöfða afturspyrna, skipst á

Fjórða æfingin var hnébeygja - hliðarskref

Og fimmta og síðasta axlarpressa og bakróður, skipst á

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm

Hér eru æfingar fyrir þig, þarft ekkert nema sófann og nokkrar mínútur.

Biribimm biribamm

Chubby Checker - The twist, alveg nauðsyn á föstudagsæfingu

Biribimm biribamm

Winners never quit
quitters never win

Biribimm biribamm

Síða dagsins er Livestrong.com. Þú getur skráð þig inn og fylgst með hreyfingu og næringu, einnig geturðu kortlagt leiðir í þínum bæ (loops), best er að nota “hybrid” því þá sjást göngustígar vel. Einnig eru þarna kort frá öðrum og þú getur deilt þínum kortum með öðrum.

Þitt svæði (karl eða kona)

Biribimm biribamm

Æfingin í dag var þrælskemmtileg og auðvitað krefjandi

Við hituðum upp með því að skokka nokkra hringi, gera háar hnébeygjur og hæl í rass og axlapressur.

Fyrsta æfingin var hnébeygjuhopp fram á við og tipplað afturábak að byrjunarreit (eins og fyrsta æfingin í myndbandinu fyrir utan hoppið í lokin). Í hoppinu verður að gæta þess, eins og alltaf í hnébeygju, að hné fari ekki framfyrir tær.

Næsta æfing var bjarnarganga, frekar asnaleg æfing en tekur á fótum, höndum, kvið, bak og rass.

Þriðja æfingin var uppáhaldið mitt, burpees, nema með hliðarhoppi.

Fjórðu æfingunni var skipt í tvennt. Skipst var á að gera æfingu sem kallast 5cm (finn ekki myndband), þú liggur á bakinu, hefur hendur undir rassi og lyftir fótum eins stutt frá gólfi og þú treystir þér til og horfir á tær (og heldur þeirri stöðu), og planka.

Síðsta æfingin voru sprettir.

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm

Mikið af spínati, lambakjöt (ég var með ofnbakaðar framhryggsneiðar), blaðlaukur og fetaostur - afar gott. Það var ekki einu sinni afgangabragð af lambinu daginn eftir.

Biribimm biribamm

Frosinn ananas og vatn, þarft ekki meira. Bragðgott og ferskt, en það er að sjálfsögðu ekkert að því að skella í þetta sætuefni af einhverju tagi. Blandarinn minn eyðilagðist og því er ég að nota matvinnsluvél til að útbúa mína bústa, það er bara nokkuð gott að hafa kjötið með.

Í ananas er mikið af mangan og C vítamíni.

“Mangan er virkur þáttur í ýmisskonar ensímum, þar með talið ensímum sem stjórna blóðsykri, orkuframleiðslu og skjarlkirtilsstarfsemi. Það er ómissandi við framleiðslu líkamans á andoxunarensíminu SOD (superoxide dismutase) sem hefur jákvæð áhrif á fólk með gigt og langvarandi bólgusjúkdóma. Mangan er mikilvægt fyrir efnaskipti prótíns og fitu, heilbrigði tauga og ónæmiskerfið. Eðlilegur beinvöxtur, myndun brjósks og liðvökva er allt háð nærveru mangans. Líkaminn þarfnast þess einnig við nýtingu B1- og E-vítamíns”.

“Hlutverk C-vítamíns til viðhalds heilbrigði líkamans er margþætt. Það hefur mikilvægu hlutverki að gegna við myndun bandvefs, er stór þáttur í vexti og heilbrigði æða, beina, góms og tanna ásamt því að auka frásog járns. C-vítamín hjálpar sárum að gróa og eykur viðnám líkamans gegn sýkingum. Líkaminn þarfnast aukins C-vítamíns þegar hann er undir andlegu eða líkamlegu álagi. C-vítamín er sindurvari (andoxunarefni) þ. e. ver frumur líkamans gegn skaðlegum áhrifum stakeinda”.

Tekið af Heilsa.is

Biribimm biribamm