Færslur aprílmánaðar 2007

Að fara lengri leiðina.

Þriðjudagur, 24. apríl 2007

Var frekar utan við mig í gær og gleymdi að afhaka við yahoo toolbar þegar ég uppfærði ccleaner. Eina tólastikan sem fær að glenna sig í mínum vöfrum er google. En það er svo sem ekki mikið mál að losna við þetta, bara remove program. Eða svo hélt ég.

Jú jú, stikan hvarf úr IE en ekki úr firefox. Hún límdi sig algjörlega fasta við elsku refinn minn. Þetta reyndi ég til að losna við stikuna:
System restore 2x, fyrir gærdaginn og daginn fyrir það.
Eyða út öllu sem hafði heitið yahoo
Eyða út refnum
Eyða út refnum og öllu sem hafði heitið firefox
Eyða út cclener og öllu sem hafið heitið ccleaner
Keyra spybot
Fikta meira, eyða út. setja upp og jadda jadda jadda.
Alls tók þetta fikt um 2 tíma í heildina.
Loks gafst ég upp. Skoðaði refinn aðeins og fiktaði.

Í þessu fikti sá ég ljósið!
Tools, adons, uninstall yahoo.

Biribimm biribamm.

Hvar er þessi andi?

Sunnudagur, 15. apríl 2007

Ég sit hérna við tölvudrusluna og bíð eftir að andinn komi yfir mig. Þessi andi sem á að detta yfir mig og hrinda yfir mig brjáluðum og góðum hugmyndum af einhverju til að skrifa um. En þessi andi lætur ekki sjá sig.

Ég kveikti öll ljósin áðan og á fullt af kertum líka. Ég varð oggulítið hrædd við að bíða eftir þessum anda. Það er jú frekar óhugnanlegt að hugsa til að þess að það komi einhver andi röltandi hingað með kassa, eða veski eða hvað hann hefur til að bera allar þessar hugmyndir.

Hræddust er ég um að hann sé með buddu fulla af klinki. Hann gæti kastað nokkrum krónum í hausinn á mér eða honum gæti dottið í hug að sturta úr buddunni á mig. Það er vont að fá klink í sig.

Hvað ætli þessi andi heiti annars? Zemakorsapóklarón? Gæti verið, þó hefur hann ekki látið sjá sig þrátt fyrir að ég hafi hvíslað þetta nafn hátt og skýrt. Hvaða andi mundi ekki koma hlaupandi við músarlegt og skjálfraddað hvísl???

Annars held ég að það komi enginn andi, bara fattarinn fór í gangi. Auðvitað þorir enginn andi hingað inn, ég er með andafælu danglandi í loftinu!!

Biribimm biribamm