Klisja bullari

Ég er án gríns með sviða í lærum, ég býð ekki í það hvernig ég verð á morgun eða þá á miðvikudag. Ég geri mig þó glaða með það að ég verð ekki ein um að skjögra á morgun.

Endinn á æfingunni var með smá breyttu sniði, smá keppni ásamt ýminduðu oreokexi (kann Jens þakkir fyrir hugmyndina)

Tabata: 20 sekúndur í átökum, 10 sekúndna hvíld - 8 sinnum hver æfing (alls 4 mínútur)

Fyrsta æfingin var tvíhöfða krulla. Fyrstu tvær lotur var farið upp og niður alla leið, þriðja hálfa leið að miðju og fjórða hálfa leið frá miðju - og síðan eins næstu fjórar þ.e.krulla alla leið og hálfa leið.

Næsta æfing var tvær æfingar í einni  og var það handasveiflur og mjaðmasnúningur (æfing eitt og tvö). Þessar æfingar eru góðar fyrir kvið

Sem og næsta æfing og reif ansi vel í kviðinn en sú var planka ganga, tekur einnig vel á þríhöfða og nánast öllum líkamanum

Fjórða æfingin var hnúahnébeygjur, nema við létum hnefa nema við gólf og handleggir alveg beinir og eiga ekki að hreyfast með.

Næst síðasta æfingin var einungis 4 lotur sú var hnébeygjuhopp

Það síðasta sem við gerðum var planka keppni (ég var svo heppin að vera á skeiðklukkunni og slapp við þáttöku). Liðið átti að ýminda sér að það væri með oreokex á milli rasskinnana, sú sem vann þurfti EKKI að éta kexið. Keppnin verður þreytt síðar og er markmiðið að hver og ein verði búin að bæta tímann sinn um lágmark hálfa mínútu.

Planki er ágætis mælikvarði á styrk í stórum vöðvum, ss. rass, bak og kvið sem og axlarvöðvum, lærvöðva og kálfum sem dæmi.

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm

Ég bætti við tíma á miðvikudögum einnig, ég fæ því tvo heila daga í viku til að pynta fólk. Það er fátt skemmtilegra en að sjá fólk svitna og erfiða. En nóg komið af væmni, æfing dagsins var úti í góða veðrinu.

Í dag var ekki venjuleg Tabata rútína ( 20 sekúndur í átökum, 10 sekúndna hvíld - 8 sinnum hver æfing (alls 4 mínútur)) heldur 5 æfingar í röð, 8 hringir. S.s. ég geri æfingu eitt, svo tvö, svo þrjú, svo fjögur, svo fimm og byrja svo upp á nýtt - þetta geri ég átta sinnum. Skemmtilegt að breyta aðeins til.

Fyrsta æfingin var hlaup upp og niður stiga

Önnur æfingin var  axlaarmbeygjur og hindúa armbeygjur, skipst á

Þriðja æfingin var öfug bjarnarganga upp brekku (fætur fyrst upp)

Fjórða æfingin var að vera í hnébeygjustöðu með hendur á höfði og púlsa (stutt upp og niður)

Fimmta æfingin var hlaupa hliðarskref 3-4 skref og snerta jörð, síðan í hina áttina og snerta

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm

Ég er oft þreytt seinnipartinn og er mikið búin að hugleiða hvernig ég gæti hrist þessa blessuðu þreytu úr mér. Nokkrir bollar af kaffi duga ekk, það hef ég sannreynt. En bolli af tei og staður til að hvílast á var algjörlega svarið við minni spurningu. Ég sit í gluggakistunni og góni út. Mér fannst það ekki alveg nóg og tróð því pottaplöntu, kerti og nokkrum kristöllum. Hvort kristallar virki get ég ekki sagt til um, en það sakar ekki að hafa þá.

Hér sit ég og góni á fólk

Og hér er dótaríið

Frekar þröngt en afar notalegt

Biribimm biribamm

Tabata: 20 sekúndur í átökum, 10 sekúndna hvíld - 8 sinnum hver æfing (alls 4 mínútur)
Ég fann ekki mynbönd af öllum æfingunum, vona að ég ná að útskýra þær nægilega vel.

Fyrsta æfingin var klettaklifur með krossi og gólfhnébeygja (hnegg hnegg, ég er að rúlla upp þessum íslensku þýðingum)

Önnur æfingin var: vertu með tvö afar létt lóð í lófum (þessi bleiku eru fín í þetta), vertu með hnefana í u.þ.b. brjósthæð og lyftu olnbogunum upp, þeir eiga að vísa út. Annar hnefinn á að vera fyrir framan hinn, síðan lóðunum snúið í kringum hvort annað (þumlar snúa alltaf að brjósti) í litlum hringjum, lóðin nánast snertast. Ekki stífa axlir og olnbogar mega ekki síga. Vona að þetta skiljist. Skiptist svo á hringjum, þ.e. hringir út og hringir að brjósti.

Þriðja æfingin var afturstig og framspark

Fjórða æfingin armbeygjur og róður

Og síðasta og langskemmtilegasta var sprettur með mótstöðu. Félagi setur æfingaband (breið teygja, þykkt gúmmí er best en rauðu, grænu eða bláu duga alveg ef stutt er haft í bandinu) utan um mittið á þér. Hann heldur fast og togar í þig á meðan þú sprettur. Skipist á. Þetta er bara skemmtileg æfing. Önnur útgáfa er að félaginn stendur fyrir framan þig með hendur fyrir ofan brjóst og spyrnir á móti meðan þú hleypur. Einnig er hægt að binda bandið við eitthvað og gera þetta sjálf/ur

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm

Ef þú kaupir matinn tilbúinn, þá er sykur í honum. Nema kannski í heilsubúðum, en þá er það dýrt.

Ég þurfti á tímabili að útiloka glúkósa og sætuefni og þá gat ég bara borðað hrökkbrauð, brauð, ost, mjólk, hreinar mjólkurvörur, óunnið kjöt og óunnin fisk, grjón og hrein krydd og hreinar kryddblöndur. Sykri er troðið í allt. Ef það er ekki sykur í því er sætuefni. Við viljum ekki finna annað en gott bragð, helst sætt. Við fitjum upp á nefið eins og smákrakkar og ojum yfir einhverju sem við kunnum ekki við, jafnvel við mat sem smakkast ágætlega. Nei, við getum ekki lagt það á aumingja okkur að bragða á mat sem þóknast ekki sætuþörf okkar. Það er ekkert endilega við okkur að sakast, þetta erum við alin upp við. En við getum alveg harkað af okkur og troðið í ginið á okkur einstaka matvælum sem bragðast la la.

En það var ekki alveg það sem ég ætlaði að tala um. Ég ætlaði að hrista fram uppskrift af heimatilbúinni eplamús sem ég var að enda við að henda í frystinn. Ég set alltaf 2 mola af eplamús út á hafragrautinn á morgnanna, ásamt handfylli af bláberjum. Ég kaupi tröllahafra, þeir eru miklu bragðbetri og ekki eins klístraðir. Vissir þú að kílóverðið af tröllahöfrum er helmingi minna en af seríósi?

Aftur að efninu, ég var með 3 stór jónagold epli, afhýdd og kjarnahreinsuð. Ég skar eplin í grófa bita og fleygði þeim í pott ásamt matskeið af kanil (sagður vera ægilega hollur). Ég setti vatn upp að ca hálfri eplahrúgunni, ekki láta fljóta yfir nema þig langi frekar í eldaðan þreyting. Ég leyfði suðunni að koma upp, tók pottinn af hellunni og leyfði þessu að kólna aðeins.

Ég maukaði eplin í matvinnsluvél, alveg eins hægt að nota kartöflustappara eða gaffal (tekur bara lengri tíma og tekur vel á, það er aldrei slæmt). Þegar eplamúsin var orðin alveg köld hóf ég það subbulega starf að setja hana í klakapoka.

Ég stakk trekt ofan í opið á pokanum og notaði kínaprjón til að ýta eplamúsinni ofan í pokann. Ef hún lekur vel ofan í er hún líklegast of þunn. Síðan verður að kreista eplamúsina niður, bara ekki of fast því þá springur pokinn (já ég fékk að reyna það á eigin skinni).

Sykurlaus eplamús smakkast svo bara ægilega vel, það er algjör óþarfi að sæta epli - þau eru alveg nógu sæt fyrir.

Biribimm biribamm

Tabata æfingin var skemmtileg í dag, ég endaði á algjörri bombu því fólki finnst oft 20 mínútur af æfingum ekki nóg, þó þetta sé feikinóg. Þannig að tilfinningin í dag eftir æfingu var að fólk var úrvinda, bara gaman.

Tabata: 20 sekúndur í átökum, 10 sekúndna hvíld - 8 sinnum hver æfing (alls 4 mínútur)

Fyrsta æfingin var yfirhöfuðs hnébeygja með æfingabolta (swiss ball)

Önnur var yfirhöfuðs uppsetur með lóði (betra að nota ketilbjöllur)

Þriðja var dauðalyfta á einum fæti með lóði (betra að nota ketilbjöllu)

Fjórða var  tommuormur

Og sú síðasta var burpees án armbeygju og hopps, í staðin lentum við í hnébeygjustöðu og stikluðum tvö skref til hliðar, fórum niður í burpee - upp í hnébeygjustöðu og til hliðar í hina áttina. Svona er hamast í 20 sekúndur í senn.

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm

Mánudagur þýðir bara eitt - TABATA

Við vorum eingöngu með palla í dag, skokkuðum létt fyrir upphitun og liðkuðum mjaðmir og axlir.

Æfing eitt var sprengi upphopp

Æfing tvö var planka ganga upp á pallinn, til hliðar ekki fram eins og sýnt er á myndbandinu hér, við vorum s.s. með pallinn á milli handa.

Æfing þrjú var hliðarhopp upp á pall og yfir (svo til baka) og framhopp á pallinn (ekki yfir) (skiptst á)

Æfing fjögur var planka ganga upp á pall eins og sýnt er á myndbandinu

Síðasta æfingin var uppstig á pall og í 2 lotum var hopp upp á (í stað skrefa)

Munið að gæta þess vel að gera æfingarnar alltaf rétt, skoðið vel hvernig æfingin er framkvæmd áður en hún er gerð

Biribimm biribamm